Les mots surlignés font l'objet d'une note
1Reçue à Grenoble, le 20 mars 1573. Répondue.
2Monseigneur, presentement estant arrivé en cette ville, jay sceu et
3entendu que la compagnie de gens à pied que conduict à present
4monsieur de Vens, qu'avant que ledit du Vens fust arrivé,
5avoit faict de si estranges maulx par tous les lieulx où
6elle a passé, que les habitans diceulx estoyent contreinctz
7dabandonner leurs maisons, comme ilz sont resollus de faire
8syl ne vous plaict dy pourvoyr ; et daultant, monseigneur,
9que les cappitaines desdites compagnies ne vous advertissent
10jamays qu'ilz ne soyent arrivéss en ce pays et quil est
11impossible que vous y puissiés envoyer commissaire pour les
12conduyre quilz nayent foulle la pluspart des villages
13qui sont entrecy et Lyon, daultant aussi que monsieur de
14Rafact auquel vous aviés donné commission de les
15conduyre, ne s'y peult trouver, pour estre empesché en la conduicte
16de celle de monsieur de Maugiron. Sil vous plaisoyt
17de donner commission à quelques aultres gentilhommes qui,
18ou aulx consulz de cette ville, de les aller prendre à
19la Guillotière et les conduyre par les lieulx que vous
20ordonnerés, attandant que celluy quil vous plairra ordonner
21pour les conduyre, les ayent trouvés, vous feriés ung
22grand bien et sollagement en ce pouvre pays, mesmes si
23vous scavés particullièrement les viollences que la
24[30 v°] compagnie susdite du cappitaine Eschallon a faicte ausdits
25villages, notamment Chuselles, Villette et Yllins, desquelles
26je vous en heusse escript quelques unes sans la suffisance
27du present porteur qui est ung des consulz de cette ville,
28qui sen va par devers vous à ces fins et pour vous supplier
29très humblment daultant que il passe continuellement
30de compagnies et qu'on doubte qu'il continue pour estre
31bruict du desbandement du siège de Sanserre, mesmes
32qu'à present, il y a ja six enseignes dans ce pays qui vont
33à bas, quil vous plaise permectre quilz les fassent conduyre
34par eau et ilz trouveront des batteaulx à Lyon avec des
35vivres quilz trouveront ou de largent si vous le trouvé
36melleur. Monsieur de Suze est arrivé ce jourd'huy
37en cette ville, qui sen va au campt de La Rochelle. Il
38sejournera demeyn en cette ville pour faire ces Pasques jespèr
39Monsieur de Maugiron escript, à ce qu'on ma dict, la mort
40de monseigneur le duc d'Aumalle. Surce, je prie Dieu
41Monseigneur, quil vous doinct en parfaicte sancté très longue
42et très heureuse vie. De Vienne, ce XVIIIe mars 1573
43Votre très humble et obeissant serviteur
44Gibert